Дијагностичките критериуми на психијатријата буквално се прогласени за постоечки и како такви се вметнати во ‘Дијагностичкиот и статистички прирачник за ментални нарушувања (ДСМ)’ на Американската психијатриска асоцијација. Фактички, се гласа за систем на класификација на симптомите што е драстично поинаков и несвојствен за медицината. Ниту една од дијагнозите не е поддржана со објективни докази за физичка болест или заболување, ниту пак е поддржана со научни докази.

Во психијатријата нема објективни тестови, рендген, лабораториски наоди ниту прегледи со чија помош ќе може да се каже дефинитивно дека  едно лице има или нема ментално растројство“. — Ален Френсис, поранешен претседател на работната група на ДСМ-IV

„ДСМ-IV е измислица врз која психијатријата бара генерално прифаќање од медицината. Упатените знаат дека тоа е повеќе политички отколку научен документ… ДСМ-IV стана библија и бестселер за заработка на пари – и покрај неговите големи пропусти“. — Д-р Лорен Мошер, клинички професор по психијатрија

„Начинот на кој се внесуваат работите во ДСМ не се заснова на крвна слика ниту на скенирање на мозокот или физички наоди, туку се заснова на описи на однесувањето. И таков е целиот систем на психијатријата“. — Др. Колин Рос, психијатар

„Можеме да произведеме доволно дијагностички етикети за нормални промени на расположението и мислиме дека можеме постојано да ви даваме лекови… Но, кога станува збор за измислување на болест, никој не е толку добар како психијатријата“. — Др. Стефан Крузевски, психијатар од Пенсилванија, дипломец на Харвард, 2004 година

„Накратко, целата работа околу создавањето психијатриски категории на ‘болест’ и нивно формализирање со консензус и последователно припишување дијагностички кодови води до нивна употреба при наплата на осигурувањето, што не е ништо друго туку еден вид на рекет, и што несомнено ја става психијатријата во категоријата на псевдо-наука. Сторителите, се разбира, користат државни пари за да се збогатат “. — Др. Томас Дорман, интернист и член на Кралскиот колеџ за лекари на ОК,  Кралски колеџ за лекари од Канада